ထိုင်းနိုင်ငံ မဲဆောက် မြို့တွင် ရှိသော ဒေါက်တာ စင်သီယာမောင် ဦးဆောင်သည့် မယ်တော် ဆေးခန်းသည် ဘဏ္ဍာရေး အ ခက်အခဲကြောင့် ဆေးဝန်ထမ်း အားလုံးအား ၄င်းတို့ရသည့် လစာထဲမှ (၂၀) ရာနှုန်းကို ဖြတ်တောက် ခဲ့သည်ဟု ဆေးဝန်ထမ်း များက ပြောပါသည်။
“ ၀န်ထမ်းထဲမှာ အောက်ဆုံး လစာက (၁၀၀၀) ဘတ်၊ ပြီးတော့ နှစ်အလိုက်ရတဲ့ လစာ ၂ ထောင်ကနေ (၆) ထောင် အထိ နဲ့ (၈) ထောင် လစာသမားတွေ ရှိပါတယ်။ ဒီလိုလျှော့လိုက်တဲ့အတွက် လစာတထောင် သမားတွေကတော့ (၈၀၀) ဘတ်ဘဲရ တော့တယ်လေ။ သူတို့ကတော့ အခက်အခဲဖြစ်မှာ သေချာပါတယ်။ ဒါပေမဲ့လို့ မလုပ်နိုင်ရင် ထွက်ခွင့်တော့ ပေးတယ်။ ပြီးတော့ ကြိုတင်လစာ (၂) စာပါ ထပ်ပေးမယ်လို့တော့ ပြောထားတယ်။ တချို့ကတော့ စထွက်နေပါပြီး” ဟု ဆေးဝန်ထမ်း တဦးက ပြောပါသည်။
မယ်တော်ဆေးခန်းတွင် ၀န်ထမ်းပေါင်း (၆၀၀) ကျော် ရှိပြီး ၄င်းအထဲ၌ သုံးပုံတပုံသည် တထောင် လစာသမားများ ဖြစ်ပါသည်။ ဤအထဲတွင် အသင်းအဖွဲ့တခုခုမှ ပံ့ပိုးမှုပေးနေသော ဆေးဝန်ထမ်းများ၊ အသက်မွေးဝမ်းကျောင်း ပညာရပ်အဖြစ် လာ ရောက် ဆေးပညာ သင်သူများနှင့် စေတနာ့ ၀န်ထမ်းများနှင့် စုဖွဲ့ထားပါသည်။ အကယ်၍ လစာ တထောင်ရရှိသော ဆေးဝန် ထမ်းများ ထွက်သွားပါက မယ်တော် ဆေးခန်း၏ ကုသမှု၌ ထိခိုက်နိုင်ဖွယ် ရှိနေသည်ဟု ဆိုပါသည်။
ထို့အပြင် မယ်တော်ဆေးခန်းမှ မယ်ဆောက် ဆေးရုံကြီးသို့ ပို့ပေးနေသော အရေးကြီး လူနာအရေအတွက်ကိုလည်း လျှော့ ချခဲ့ရပါသည်။ မယ်တော် ဆေးခန်းမှ တာဝန်ယူ ပညာသင်ပေးနေသော ကလေးပေါင်း (၃၀၀၀) ကျော်အတွက် ကုန်ကျ စ ရိတ်မှာလည်း ထိခိုက်လာဖွယ်ရာ ရှိနေပါသည်ဟု ဆေးဝန်ထမ်းများက ပြောပါသည်။
ဤပြသနာသည် နှစ်စဉ် မယ်တော်ဆေးခန်းကို ကူညီနေသော NGO အဖွဲ့များ၊ ပြည်တွင်းသို့ ၀င်ရောက်အကူ အညီပေးခဲ့ သည့် အတွက် အကူအညီရရှိမှု လျှော့ကျသွားဖြင်းဖြစ်သည်ဟု ဒေါက်တာ စင်သီယာမောင်က ပြောပါသည်။ ထို့အပြင် နောက်နှစ်အတွက် ဘဏ္ဍာရေး အခြေအနေလည်း မရေရာသေးဟု ၄င်းကဆိုပါသည်။
ဆေးဝန်ထမ်းများရှေ့ရေးမသေချာလူနာများကို ဆိုင်းငံ့ ထားနေရပါသည်။ တချို့သော ရောဂါများကို စစ်ဆေးမှု၌ လည်းကောင်း၊ ကုသမှု၌လည်းကောင်း ဆိုင်းငံ့ ထားပါသည်။ ဘဏ္ဍာရေး အခက်အခဲကြောင့် ပြီးခဲ့သည့် လမှစပြီး လစာ လျှော့ချခံခဲ့ရသဖြင့် နောက်နှစ်အတွက် အလား လာကို စိုးရိမ်ဖွယ်ဖြစ်နေရသည်ဟု ဆေးဝန်ထမ်းများက ဆိုပါသည်။
မယ်တော် ဆေးခန်းကို ၁၉၈၉ ခုနှစ်တွင် စတင် တည်ထောင်ခဲ့ပြီး နှစ်စဉ် လူနာပေါင်း ၁၃၀,၀၀၀ ခန့်ကို လက်ခံကုသပေး သည့် ဆေးခန်းဖြစ်ပါသည်။ ကုသမှုတွင် တိုးလာနေသည့် လူနာများကြောင့် ငွေရေးကြေးရေး၌ အခက်အခဲဖြစ်လာသလို
အကူအညီ ပေးနေသော NGO များလည်း လျှော့ကျ လာနေပါသည်။
မူးရင်းဆိုဒ်
0 comments:
Post a Comment
သင့်ရဲ့ အကြံပေးမှုဟာ နောက်စာတစ်ပုဒ်အတွက် တွန်းအားပဲဗျာ။